Елена Бермуканова: «Жабық хедж-қорлардың стратегияларына жол ашу үшін инвесторларды біріктірдік»

— Жоқ. Зиялы, бірақ ауқатты емес отбасында дүниеге келдім. Анам 2 тігін өндірісін басқарды, әкем зауытта аға экономист болып жұмыс істеді.

Мен 3 жасқа келгенде қайта құру кезеңі басталды. Ата-анамның екеуі де жұмысынан айырылды. Тамақ пен киімге ақша жетпеген кездер болды.

Қаржылық қиындықтың не екенін өз басымнан білемін. Басқаша өмір сүргім келгені де содан. Болашағымды өзім айқындап, өзіме де, жақындарыма да қамқор болғым келді.

Ата-анам берген білім мен тәрбие маған өмірде үлкен тірек болды. Ал ақшаны өзім тауып, кәсіби ортамды өзім құруым керек болды.

— Жұмыстан. 17 жасымда барахолкада ерлердің костюмін саттым. Содан кейін 3 жыл Новосібірдегі ең қымбат мейрамханалардың бірінде жұмыс істедім. Онымен қатар университетте оқыдым, сондықтан оқуым 5 жылдың орнына 7 жылға созылды.

Шағын кәсіппен де айналысып көрдім: тапсырыспен киім тіктім. Әжем пішімін жасауға көмектесетін. Киім жақсы шығатын, сатып алатындар да болды. Бірақ көп ұзамай табысымның бәрі қанша сағат жұмыс істегеніме байланысты екенін түсіндім. Жұмыс істесем — ақша табамын. Тоқтасам — табыс та тоқтайды.

Тек уақытымды ақшаға айырбастай берсем, алысқа бармайтынымды түсіндім. Уақыт өте басқа жүйе құрып, мен үшін де жұмыс істейтін капитал қалыптастырғым келді.

— Жоқ, ол уақыт босқа кетті деп ойламаймын.

Новосібірдегі элиталық мейрамханада 3 жыл менеджер болдым. Ол жерге қаланың ең бай тұрғындары келетін. Мейрамхана қалаға келген мәртебелі қонақтарды да қабылдауға маманданған еді: Ресей мен басқа елдер үкіметтерінің өкілдері, танымал тұлғалар және ірі бизнес иелері.

Мейрамхана иесі Денис Иванов байланыс орнатуды өте жақсы біледі. Оның қонақтармен қалай сөйлесетінін, адамдарды қалай таныстыратынын, қарым-қатынасты қалай сақтайтынын күн сайын көрдім. Бірте-бірте бұл қабілетті өзім де үйрендім.

Сол жылдар үшін оған өте ризамын. Одан көп нәрсе үйрендім: адамдармен байланыс орнатуды да, бизнестегі әр бөлшекке мұқият болуды да. Онымен жұмыс істегеннен кейін бәрін мінсіз жасауға ұмтылатын болдым. Әр іс тиянақты орындалуы керек.

Қонақтардың бір-бірімен қалай араласатынын да көрдім. Мейрамханада бұл анық байқалады. Әңгімелеседі, өздері туралы айтады: қалай бастағанын, ақшаны қалай тапқанын, капиталын қалай жинағанын.

Олардың ақшаға деген көзқарасы қызықтырды. Ақша туралы қалай сөйлейді? Неге баса мән береді? Бір-біріне қандай сұрақ қояды? Құндылықтары қандай, олар үшін шын мәнінде не маңызды?

Мұндай жердегі қызметкерлер бәрін естиді. Бірі естігенін іске жаратады, бірі құлағына ілмейді: ауысымын аяқтады, кетті, бәрін ұмытты. Ал мен үшін мейрамхана «мектеп» болды.

Ол кезде болашағымды мейрамхана бизнесімен байланыстырамын деп ойладым. Менеджер болып, қызмет көрсету деңгейін бақыладым, қызметкерлердің жұмысын ұйымдастырдым. Бірақ кейін мүлде басқа салаға келдім. Мейрамханада үйренгенім сол жерде қажет болды.

Инвестиция саласына келгенде, әлгі қонақтардың қалай сөйлесетінін, ақшаға қалай қарайтынын, нені бағалайтынын жақсы түсінетінмін. Мұның бәрі миыма, ДНҚ-ыма сіңіп кеткен еді. 3 жыл бойы күн сайын олардың әңгімесін тыңдап, өздерін бақыладым. Сондықтан олармен үлкен ақша туралы бір тілде сөйлесу үшін өзімді арнайы дайындаудың қажеті болмады.

— Кездейсоқ. Мейрамханада өте көп жұмыс істеп, бір кезде әбден қажыдым. Бұл салада әрі қарай жұмыс істеуге шамам келмеді. Сондықтан басқа бағыт іздей бастадым.

Жақсы табыс табуға болатын, әрі қарай өсуге мүмкіндік бар, нәтижесі өзіме байланысты жұмыс іздедім. 2 бағытты қарастырдым: тікелей сату және инвестиция. Сөйтіп брокерлік компанияға тағылымдамадан өтуші болып орналастым.

Келген бойда бұл жерді ұнатып қалдым. Инвестицияға шынымен қызығып кеттім.

Тіпті алғашқы айларда-ақ екінші жоғары білім алу үшін «Қаржы және кредит» мамандығына құжат тапсырдым. Бұл саланы кәсіби деңгейде меңгергім келді.

— Ол кезде инвестиция туралы мүлде ештеңе білмедім. Арнайы білімім де, тәжірибем де жоқ еді. Тағылымдамадан өтуші болып келдім, жұмыс барысында үйренуге тура келді.

Алғашқы 3 ай жалақысыз жұмыс істедім. Шарты мынадай болатын: жоспарды орындамасаң, тұрақты жалақы жоқ.

Бірақ мұнда не үйрене алатынымды түсіндім. Басшым компания желісіндегі ең үздік менеджерлердің бірі еді. Клиенттермен қалай сөйлесетінін, күрделі нәрсені қалай түсіндіретінін, шешімді қалай қабылдайтынын бақыладым. Оның қалай ойлайтынын, жұмысының неліктен нәтижелі екенін түсінгім келді.

Сондықтан күн сайын жұмыстан кейін әдейі оның бағытымен метроға мінетінмін, ал өзіме басқа жаққа бару керек еді (күледі). Тағы 20 минут сөйлесу үшін. Ол әңгімесін жалғастыратын, мен тыңдайтынмын.

Бұл тәжірибенің қаншалықты құнды екенін түсіндім. Жалақыны жұмсап қоясың. Ал үйренгенің мен қолыңнан келетін іс өзіңмен қалады.

Кейін 23 жасымда жалдамалы қызметкер болып жүріп, алғашқы миллион рублімді таптым. Сондықтан сол алғашқы айлар мен үшін өзіме және болашақ капиталыма салынған инвестиция болды.

— Міне, сол кезде бұл сұрақ шынымен маңызды болды.

Жинағың жоқта инвестиция өзіңе қатысы жоқ нәрсе сияқты көрінуі мүмкін. Ал өз ақшаң пайда болғанда, мұқият қарай бастайсың: ол қайда сақталады, өнім қалай жұмыс істейді, табыс қайдан келеді?

Сапалы инвестициялық мүмкіндіктер тапқым келді. Бірақ компания ашу идеясы одан ертерек, брокерлік компаниядағы алғашқы жұмыс жылында-ақ пайда болған еді.

— Еңбек жолымның басында бір инвестор маған кездесуге келді. Жақсы сөйлестік, бірден тіл табыстық. Ол ақшасын өзіме басқаруға беруді ұсынды.

Басшыма барып, осыны істеуге бола ма деп сұрадым. Ол: «Иә, әрине, ала бер», — деді.

Келістім. Және сол ақшаны өте тез жоғалттым.

— Сол жұмыстың барысында Ресей мен ТМД елдерінде біз жұмыс істеген форекс-брокерлік жүйені тереңірек зерттей бастадым. Құжаттарды оқып, заңнаманы қарадым.

Сөйтсем, бұл модельде брокер клиенттің шығынынан табыс табады. Негізінде инвестор компанияға қарсы сауда жасайды: ұтқанын компания төлейді, ал жоғалтқаны оның кірісіне айналады. Елеулі мүдделер қақтығысы бар.

Бұл маған қатты тиді. Компания клиенттердің шығыны есебінен табыс тапса, оның мүддесі мен біздің мүддеміз әуел бастан бір-біріне қайшы ғой.

Басшыма барып, тікелей сұрадым: шынымен солай ма? Ол растады. Сосын «Бүкіл әлемде нарық осылай жұмыс істейді» деді.

Сол кезде қатты көңілім қалды. Мен сенген басшы, тәлімгерім, тәжірибемнің қаншалықты аз екенін жақсы білді. Сөйте тұра өзгенің ақшасын басқаруға алуға өзі ынталандырған.

Сол ақшаны жоғалтқаннан кейін түні бойы қиналдым. Болды, енді бұл іспен айналысқым келмейді деп ойладым. Өзің үйреніп жүрген, сенетін адам да сені осындай жағдайға қалдырса, бұл қандай қатал сала еді?

Мен үшін бұл өте елеулі дабыл болды. Сол оқиғадан кейін компанияның басқа кеңсесіне ауысып, онымен бірге жұмыс істеуді тоқтаттық.

Бірақ инвестиция саласындағы еңбек жолымның басында алған тәжірибем мен үйренген дағдыларым үшін оған әлі де ризамын. Соның ішінде инвестиция тартуды үйреткені үшін де. Жағымсыз тәжірибеден де сабақ аласың. Сол оқиғадан кейін көп ойландым. Инвесторлармен, өз командаммен қалай жұмыс істегім келетінін түсіндім.

— Тәуекелді 50/50 бөлісеміз деп келісімшартқа қол қойғанбыз. Жоғалтқан соманың жартысын оған қайтардым.

Одан кейін не істейтінімді шешуім керек болды. Не бұл саладан біржола кетіп, бәрін жаман түс сияқты ұмытуым керек. Не бір нәрсені өзгертуге тырысуым керек.

Бірақ «бүкіл әлемде нарық осылай жұмыс істейді» деген сөз ойымнан кетпеді. Ақылға салсам, барлық жерде дәл осылай болуы мүмкін емес еді.

Бұл 2008–2009 жылдары болған. Мемлекеттік зерттеу нәтижесі бойынша ресейліктердің 5%-дан азы негізгі қаржылық ұғымдарды білген. Ал басқа елдерде отбасылар жылдар бойы инвестиция арқылы капитал жинап, тәжірибесін балаларына беріп келген.

Дубайда бала дүниеге келгенде оған брокерлік шот ашылатынын бәріміз білеміз. Америкалық фильмдерде әр отбасының дерлік өз брокері бар. Швейцарияның банк жүйесі мықты, инвестиция мәдениеті қалыптасқан. Осындай нәрселерді естіп, көріп жүрдік қой.

Сондықтан бүкіл әлемдегі нарық басшым түсіндіргендей жұмыс істеуі мүмкін емес екенін түсіндім. Демек, басқа тәсілдер де болуы керек.

Бірте-бірте басшым өзі жұмыс істеген жүйе туралы ғана айтып отырғанын түсіндім. Бірақ одан басқа жүйе жоқ деген сөз емес қой.

Бір кезде ой келді: қазір кетуіме болады. Бірақ кетсем, мұнда ештеңе өзгермейді.

Әріптестеріме барып, не болғанын және қандай қорытындыға келгенімді айттым. Олардың көбі де бұл жұмыстың этикалық жағын ойлап жүрген екен. Сөйтіп 5–6 пікірлес жиналдық.

— Не іздейтінімізді білдік: Ресей мен ТМД нарығына арналған сапалы инвестициялық өнім. Ал оны қайдан, қалай табатынымызды әлі білмедік.

2009 жылдың басында кірістік. Сол кездегі жағдайымызды түсіну керек. Жаспыз, тәжірибеміз аз. Негізінен Ресейде айналамыздан көргенімізге ғана сүйене аламыз.

Сапалы ақпарат табу өте қиын еді. Орысша мәлімет аз. Ағылшынша іздеп, керек мамандар мен шешімдерді қалай табуға болатынын да үйрену керек болды. Сұрақ қойып, жауап ала қоятын ChatGPT жоқ. Интернет бар, бірақ одан дұрыс ұйымды тауып, кімге сенуге болатынын анықтау — бөлек жұмыс.

Біз ақпараттан оқшауланып қалғандай болдық. Бір жерде шешімі бар екенін білесің. Бірақ оны іздеуді неден бастарыңды да білмейсің.

Ізденіс пен дайындыққа 3 жылға жуық уақыт кетті. Инфрақұрылымды зерттедік, ақпарат жинадық. Менің және әріптестерімнің кәсіби таныстары арқылы мамандарға шықтық.

Әрине, бұл жұмыс үшін бізге ешкім ақша төлеген жоқ. Өз бастамамызбен істедік. Компания ашылғанға дейін бастапқы топтан 2 адам ғана қалды.

Ал сол алғашқы тәжірибені ұмытқан жоқпын. Кейін өз қызметкерлеріме сауда жасауға тыйым салдым. Себебі тәжірибесі жеткіліксіз адамның дайын емес іске кірісуі немен аяқталатынын білдім.

— Ақпарат аз еді. Сондықтан сенімді негізге сүйенгіміз келді: түсінікті қаржы жүйесіне, заңнамаға, реттеушінің талаптарына. Инвестор мен компания арасындағы мүдделер қақтығысына мемлекет пен реттеуші деңгейінде жол берілмейтін елді іздедік.

Сол кезде бізге ең түсінікті нұсқа Швейцария болды.

Брокерлік компания іздей бастағанда, 2008 жылдан бастап Швейцариядағы форекс-брокерлер банк лицензиясын алуға немесе бұл қызметін тоқтатуға тиіс болғанын білдік. Осылай брокерлік қызмет көрсететін швейцариялық банктерге, соның ішінде банк лицензиясы бұрыннан бар Swissquote-қа шықтық.

Бір жағынан, банк инфрақұрылымы дұрыс бағыт таңдағанымызға сенімділікті арттырды. Екінші жағынан, мұның біз үшін қандай үлкен сынақ болғанын елестете аласыз ба?

Біз жап-жас едік. Ал Швейцарияның ең ірі банктерінің өкілдерімен байыпты келіссөз жүргізу керек болды.

— Алдын ала дайындалып, кәсіби таныстарымыз арқылы байланысқа шықтық.

Мәскеуде халықаралық Forex Expo көрмесі өтетін. Жыл сайын инвестиция саласындағы банктер мен брокерлер жиналатын. Бізде 2 швейцариялық банкпен кездесуге алдын ала келісім бар еді.

Көрме 2011 жылғы 19 қарашада Мәскеудегі Radisson Ukraina қонақүйінде өтті. Қазіргі атауы — Radisson Collection Hotel, Moscow. Біз де келдік. Алғашқы кездесу Швейцарияның Swissquote банкінің өкілдерімен болды.

Серіктесім Алексей екеуіміз ұзындығы шамамен 200 метр дәліздің алдында тұрмыз. Мен 25 жастамын, Алексей 24-те (күледі). Дәліздің соңындағы холда банк өкілдері күтіп отыр.

Дайындалып жүргенде қорқынышты тек ойша сезіндік. Ал енді барып, сөйлесу керек. Дәл сол кезде тізем шынымен дірілдей бастады.

Тіземіз дірілдесе де, бардық.

— Ең таңғаларлығы, әңгіме ойлағанымнан әлдеқайда жеңіл жүрді.

Дәліздің арғы жағында өзіміз сияқты адамдар отыр екен. Кәдімгі адамдар. Олар үшін біздің кім екенімізді, не ұсынатынымызды, бір-бірімізге қалай пайдалы болатынымызды түсіну маңызды еді.

Бізге инвесторларымыз үшін сапалы платформа керек болды. Банк біздің нарықта дамуға мүдделі еді. Мүдделеріміз сәйкес келді.

Көрсететін нәтижеміз де бар еді. Ол кезде брокерлік компанияда бірнеше өңірге жауапты директор болып істейтінмін. Сібір мен Ресейдің Қиыр Шығысындағы 2 федералдық округте 200-ден астам кеңсені басқардым.

Өзімнің және командамның инвестиция тартудағы нәтижелерін көрсеттім. Қалыптасқан инвесторлар ортамыз туралы айттым. Бір-бірімізге пайдалы бола алатынымыз түсінікті болды. Әңгіме табиғи жалғасты. Баяғыдан таныс сияқты.

Swissquote-пен алдын ала келісімшартты дәл сол көрмеде жасадық. Ал қажетті рәсімдерден кейін 2012 жылғы мамырда толыққанды келісімге қол қойдық. 12 жылға созылған серіктестігіміз осылай басталды.

Сондықтан сол дәліз әлі есімде. Кездесудің алдында араларыңдағы қашықтықтан өте алмайтындай көрінуі мүмкін. Бірақ бір күні сол жолды жүріп өтіп, әңгіме бастау керек.

— Инвестиция салғысы келетін, бірақ қаржы нарығында өз бетінше жұмыс істеуді әлі білмейтін адамға шешім іздедік.

Бұрынғы тәжірибемнен түсінгенім: инвестор ақшасынан айырылуы үшін компанияның әдейі әрекет етуі де қажет емес. Тәжірибесіз инвестор өз бетімен сауда жасай бастаса, ерте ме, кеш пе, көбіне кешікпей-ақ капиталын жоғалтады. 18 жыл ішінде тәжірибесі жоқ бола тұра, өз бетінше сауда жасап, тұрақты табыс таба алған бірде-бір инвесторды көрмедім. Демек, жаңадан бастаған инвесторды нарықпен жалғыз қалдыруға болмайды.

Адамға швейцариялық банктен шот ашып беру жеткіліксіз еді. Инвестициялауды бастауына көмектесетін кәсіби стратегиялар мен қолдау табу керек болды.

Швейцария банкімен бірге табыс табу үшін жұмыс істей бастадық. Ал жабық хедж-қорларға жол ашқан — Swissquote-пен серіктестігіміз.

Банктегі әріптестеріміз бізге қажет стратегияларды іріктеп, оларды ұсынатын қорлармен кездесу ұйымдастыруға көмектесті. Бізді сол қорларға ұсынды. Ал бізге бірге жұмыс істеуге болатын кәсіби командаларды таныстырды.

12 қормен келіссөз бастадық. 8-імен әрі қарай жұмыс істей алдық. Қалған 4-еуі сол кезде бас тартты. Жауабының мағынасы мынадай болды: Ресейденсіздер, тым жассыздар, әзірге сіздермен жұмыс істеуге дайын емеспіз.

Қалғандарымен серіктестік орната бастадық.

Осыдан кейін келесі мәселе шықты. Тікелей қатысу 100 млн доллардан басталатын жабық хедж-қорлар бар. Біз стратегия ұсынатын осындай қорлармен жұмыс істеуге ұмтылдық. Бірақ қажетті соманың болуы да қол жеткізу мәселесін толық шешпейді.

Енді қарапайым адамды елестетіңіз. Жақсы жұмыс істейді, табыс табады, бәлкім шағын бизнесін дамытады, ақша жинайды. Бірақ 100 млн долларды жинауды былай қойғанда, ондай соманы елестетудің өзі қиын.

Шешімді осындай адамдар үшін іздедік. Өйткені өзіміз де солардың бірі едік. Өзімізге, достарымызға, инвесторлар ортамызға іздедік.

— Ол кезде капиталы кемінде 100 млн доллар болатын бірде-бір инвесторымыз болған жоқ. Бірақ ортамыздағы инвесторлардың жиынтық капиталы осындай серіктестікті талқылауға жеткілікті еді.

Техникалық шешімді Multi-Account Manager — MAM жүйесі берді. Бірнеше бөлек брокерлік шот техникалық пул арқылы ортақ стратегияға қосылады. Бұл ортақ әмиян емес: ақша әр инвестордың жеке шотында қалады, ал жүйе стратегияның мәмілелерін қосылған шоттар арасында бөледі.

Біз мәмілелерді көшіруді емес, MAM жүйесін қолдандық. Мұндай жүйелерді әр елдегі банктер мен брокерлер пайдаланады. Инвестор капиталын компанияға немесе пулдағы басқа қатысушыларға бермеуі біз үшін негізгі қағида болды.

Ұйымдастыру жағынан «қолшатыр» қағидасын таңдадық: қорлармен байланысты түгел компания, ал кейін қауымдастық өз мойнына алды.

Бастапқыда-ақ осы үлгіге келістік. Қорларға әр қатысушының өтінішін бөлек қараудың қажеті жоқ. Резиденттерге біз қолдау көрсетеміз.

Сондықтан қорлардың атауын көпшілікке жарияламаймыз. Бұл тәртіп келісімдерді де, қорларға қол жеткізу мүмкіндігін де сақтауға көмектеседі.

Сонымен қатар резиденттің инвестициялық қаражаты өзінің жеке брокерлік шотында қалады. Ол таңдаған стратегияларға қосылып, қосымшада мәмілелерді, позицияларды және қаржылық нәтижені көреді.

iPO COMPANY жабық хедж-қорлардың стратегияларына қол жеткізуді ұйымдастырады. Біз сияқты барлық келіссөзді өзі жүргізіп, сол кәсіби байланыстарды қайтадан өз бетімен құрудың қажеті жоқ.

Мен үшін инвестициялық мүмкіндіктерді баршаға қолжетімді ету деген осы: бұрын жете алмаған мүмкіндіктерді қауымдастықтың көмегімен пайдалана аласың.

— Алдымен сол уақытқа дейін қалыптасқан өз ортаммен жұмыс істедім. Достарым, таныстарым, өзім тікелей жұмыс істеген инвесторлар. Мені танитын шағын орта еді.

Ал бетбұрыс 2015 жылы болды.

Ресейдегі банк дағдарысы кезінде жаңа инвесторлар келмей қалды. Компанияның сол кездегі клиенттерінен бізді өз таныстарына ұсынуын сұрадық.

Сол жылы 3 есе өстік.

Клиенттер бізді достарымен, жақындарымен, әріптестерімен таныстырды. Өйткені жұмысымыздың құнын өздері көрді. Ең алдымен, алып отырған табысын көрді.

Біз оларға капитал қалыптастыруға көмектестік, олар біздің өсуімізге көмектесті. Бір-бірімізге шын мәнінде қолдау көрсеттік. Нағыз синергия осы еді.

— Себебі алдымен қауымдастық болып қалыптастық. Ал атауын кейін бердік.

iPO COMPANY 2011 жылдан бері жұмыс істеп келеді. Бұл — инвесторларға сапалы инвестициялық шешімдер мен қорлардың стратегияларын пайдалануға көмектесетін консалтингтік компания. Қауымдастық сол жұмыстың айналасында біртіндеп қалыптасты.

Инвесторларымыз іс-шараларға келіп, танысып, әңгімелесіп, тәжірибе алмасты. Инвестициялық бағдарлама арқылы басталған таныстықтар жақын қарым-қатынасқа ұласты.

2022 жылға қарай әр елде 35-тен астам ірі офлайн іс-шара өткіздік. Осы кезде қауымдастыққа жеке бренд керек екенін түсіндік.

Осылай iPO COMMUNITY пайда болды.

Бүгінде мұнда 55 елден 55 000-нан астам резидент бар. Қатысушылар тәжірибесімен бөлісіп, белсенділік танытып, байланыс орнатып, бір-біріне қолдау көрсетіп, қауымдастықты әрі қарай дамытып келеді.

Жай ғана «қауымдастық» деп жазғаннан қауымдастық пайда болмайды. Инвесторларды олардың арасындағы шынайы қарым-қатынас біріктіреді.

— Біз жылдар бойы жасаған мүмкіндіктерді пайдалана алады.

Бастаған кезде қажетті инфрақұрылымды өзіміз іздедік. Адамдармен байланысқа шығып, келіссөз жүргіздік, бұрын білмегенімізді үйрендік.

Бүгін жаңадан келген адам қазіргі инвесторлармен таныса алады. Стратегиялардың жарияланған нәтижелерін көріп, мамандарға сұрақ қоя алады. Өзіне қай үлгі сай келетінін түсінеді.

Мұнда тәжірибесі әртүрлі инвесторлар бар. Бірі капитал жинауды енді бастайды, бірі көп жылдан бері инвестициялайды, бірі бизнесін дамытады. Олармен сөйлесіп, сұрақтарыңды қойып, ұқсас кезеңнен қалай өткенін біле аласың.

Мен үшін бұл өте құнды. Үйренерің бар адаммен 20 минут сөйлесудің өзі қанша нәрсе бере алатынын өз тәжірибемнен білемін.

— Онда танысудан бастау керек.

Сайттан инвестициялық бағдарламаның қалай жұмыс істейтінін қарау. Стратегиялардың бұрынғы нәтижелерін, шарттарын, мүмкіндіктері мен тәуекелдерін зерттеу. Мамандармен сөйлесу.

Сондай-ақ қазіргі инвестормен кездесуге жазылуға болады. Мұндай бағдарламаны 2026 жылы іске қостық.

Оған жеке капиталы шамамен 10 000–50 000 доллар болатын инвесторлар қатысады. Әдетте бұлар миллионерлер емес. Миллионер инвесторлардың міндеттері басқа, мұндай кездесуге әрдайым қызыға бермейді. Ал мұнда бастапқы кезеңдерден өткен инвестормен сөйлесіп, қалай бастағанын, неден қорыққанын, қандай қиындыққа кездескенін, қазір инвестициясы қалай жүріп жатқанын сұрауға болады.

Ол өз тәжірибесімен бөліседі. Бұл әдемі презентацияны тамашалау ғана емес, өзіңе маңызды сұрақтарды қоя алатын шынайы әңгіме.

Міндетті түрде инвестор кабинетіне тіркелген жөн. Негізінде бұл — инвесторларға арналған әлеуметтік желі. Мұнда танысуға, сөйлесуге, тәжірибе алмасуға болады.

Тіркелгеннен кейін қауымдастыққа қабылдай аламыз ба, қандай мүмкіндіктерді пайдалана аласыз деген сұрақтарға алдын ала жауап аласыз. Оның ішінде біз жұмыс істейтін лицензиясы бар брокерлерге және жабық хедж-қорлардың стратегияларына қол жеткізу де бар.

iPO COMMUNITY-ге кім қосылатынына мұқият қараймыз, әр болашақ резидентті тексереміз. Өйткені мұнда инвесторлар танысып, сөйлесіп, қарым-қатынас орнатады. Осы ортаны сақтау біз үшін маңызды.

— Онда алдымен капиталды қалай жинауға болатынын түсініп алған жөн.

Кабинетте «Инвестордың жол картасы» жобасы аясында AI-ментормен тегін сөйлесуге болады.

Бұл AI-менторды өз тәлімгеріммен бірге жасадық. Оның көзқарасын, ойлау тәсілін, әдістемесін негізге алдық. Бұл — 100-ден астам адамға нөлден бастап миллион доллар капитал жинауға көмектескен білікті тәлімгер.

Онымен көп жылдан бері жұмыс істеймін. Осы уақыт ішінде тәлімгерлікке миллиондаған доллар төледім. Ал қазір iPO COMMUNITY резиденттері мен тіркелген пайдаланушылары оның тәсіліне негізделген AI-құралды мүлде тегін пайдалана алады.

AI-ментор өз жағдайыңды түсінуге көмектеседі. Қазір қанша табыс табасың, шығының қанша? Қолыңда не бар? Қайда жеткің келеді? Капитал жинауды бастау үшін қандай мүмкіндігің бар?

Сонымен қатар ментор жағдайды тұтас қарастырады. Жұмысыңды, өз бизнесіңді дамытуды, кірісіңді, қолдағы ресурстар мен кедергілерді талқылауға болады. Мақсаттарың тек капиталға қатысты болмауы мүмкін. Кәсіби немесе бизнес мақсаттарыңды да қарай аласың.

Бұл құралды AI Mentor-ға негіз болған тәлімгердің кеңес беру тәсілін көпшілікке қолжетімді ету үшін жасадық. Ол тәлімгермен жеке кездескендей сөйлесуге мүмкіндік береді. Мақсатымыз — әңгімені инвестициялық өнімдерімізді сатуға тіреу емес, адамға қазіргі жағдайын түсініп, өз мақсатына жету жолын анықтауға көмектесу.

Өйткені «қаржылық еркіндікке жеткім келеді» деген әзірге тілек қана. Одан кейін дәл өзіңе қанша ақша керегін, қазір нені өзгерте алатыныңды және келесі қадамың қандай болатынын түсіну керек.

Осы әңгімеден кейін жеке жол картасы жасалады. Не істеу керегі ретімен анықталады: қалай ақша жинау, алғашқы инвестицияны неден бастау, кейін портфельді қалай дамыту.

Бұл құрал тәлімгерімнің тәжірибесіне сүйенеді. Бірақ әркімнің жолы бөлек. Нәтиже өзінің жағдайы мен әрекетіне байланысты.

Инвестицияға ақша жинамай тұрып та бастауға болады. Алдымен алғашқы капиталыңды қалай жинайтыныңды түсінуден.

— Бастаған кезде өзімізге, өз ортамызға шешім іздедік. Қалай инвестициялауға болады, неге сүйенеміз, кіммен жұмыс істейміз деген сұрақтарға жауап іздедік.

15 жыл ішінде инфрақұрылым өзгерді, компания дамыды, қауымдастық өсті. Бірақ негізгі идея сол күйі қалды: әлемдегі адамдардың 98%-ы өз бетімен ешқашан жете алмайтын инвестициялық мүмкіндіктерге жол ашу.

Бір кезде жауапты өзіміз іздедік, сол дәлізден алғаш өтуге батылдық жинадық.

Бүгін артымызда көп жылғы еңбек пен осы жолдың бір бөлігін бізбен бірге өткен инвесторлар бар. iPO COMMUNITY-ге жаңадан қосылған адам осыған сүйене алады.